Усе прадметы, што чытаюцца на беларускай мове, я здаю на беларускай.
А яшчэ ў мяне курсавая па-беларуску напісана. І абараняла я яе на беларускай мове. І дыплом на беларускай мове будзе..

Ведаеш, я як падумаю, што ў нас гісторыя Беларусі і геаграфія Беларусі на рускай мове выкладаюцца - дык неяк не па сабе становіцца. Няправільна гэта. На гэтых прадметах мы ў першую чаргу павінны выхоўваць любоў да Радзімы. І рабіць гэта на чужой мове, я лічу, здзекам з самаго паняцця.

belpotter
Дзіўна неяк... У цябе беларускамоўны ці рускамоўны клас?

belpotter
Проста да гэтага вывучэнне гісторыі і геаграфіі Беларусі на беларускай мове было абавязковым для ўсіх. А нядаўна міністэрства адукацыі вырашыла, што гэтыя прадметы павінны ў рускамоўных класах вывучацца на рускай мове. Магчыма, бацькі пастараліся. Многія з іх лічаць, што беларускамоўная адукацыя ў фактычна рускамоўнай краіне - гэта здзек з дзіцяці. Якраз у той год выдаваліся адпаведныя падручнікі для 12-цігодкі. Дарэчы, тыраж рускамоўных падручнікаў значна перавышае тыраж беларускамоўных. Канкрэтных лічбаў ужо не памятаю, але ўражвае. Думаеш, а ці ў Беларусі я яшчэ жыву?

belpotter
Перавыдаць не паспелі. А цяпер знаў конкурс на напісанне падручнікаў для адзінаццацігодкі. І адкуль у краіне грошы? Як паглядзіш на школу - складваецца ўражанне, што ў нас адукацыя зусім не падтрымліваецца.
Дарэчы, зімой майму навуковаму кіраўніку прынеслі на рэцэнзію падручнік па прадмету "Чалавек і свет". Ён мне пасля перлы цытаваў. Смяяліся - ледзь жываты не надарвалі))

Горш. Там у чалавека з бакамі свету былі праблемы. Блытаніна з працягласцю сутак і года, з календарамі.. Былі перлы, якія можна было ўмоўна аднесці да спрашчэння матэрыялу. Там нюансы. Але захад з усходам блытаць...О_о Пісаў, здаецца, хімік)))

Шмат. І тут не заўсёды павінны аўтар. Зноў-такі мой навуковы кіраўнік расказваў, што калі пісаў частку падручніка па геаграфіі мацерыкоў і краін і складаў да гэтай часткі праграму, пасля выдання не пазнаў свайго тэксту.
Там наогул такая мафія, што страшна ўявіць! Вось і атрымліваецца, што школьнікі вучацца па абы-чым толькі таму, што ў прафесара Н больш сувязей, чым у дацэнта М. А тое, што дацэнт М напісаў бы лепшы падручнік, нікога ўжо не хвалюе..

Любушка
Мы ў восьмым класе абавязкова здавалі экзамен па літаратуры. Была на выбар руская або беларуская. У мой час большасць выбрала беларускую. У нас быў у той час выдатны настаўнік. Менавіта ён (ды яшчэ настаўнік геаграфіі) навучыў мяне любіць Беларусь і родную мову. Ён даваў нам чытаць многа таго, чаго не было ў падручніках, даваў цікавыя заданні. У 10-11 класах у нас выкладала настаўніца, якой было да лямпачкі. Абы выконвалі сумныя стандартныя заданні. У мяне з ёй была ціхая вайна.
Калі была на практыцы ў школе, даводзілася сядзець у лабаранскай і слухаць урокі беларускай мовы ў пятым класе. Калі ўжо настаўнік беларускай мовы размаўляе на ўроку на трасянцы, то што гаварыць пра неспецыялістаў! Добра ў той настаўніцы было адно: у спакойным стане яна размаўляла амаль па-беларуску, а калі пачынала сварыцца - пераходзіла на рускую мову. Можа у дзяцей на рэфлекторным узроўні пасля яе замацуецца любоў да роднай мовы))))))
А наогул я вучылася ў апошнім беларускамоўным класе ў нашай школе. І то нас у 10-11 перавялі поўнасцю на рускую мову.

Падкрэслівае))) А пасля кідае і нічога не падкрэслівае наогул)) Не ведае Ворд беларускай мовы!

belpotter
Гэта яны больш застрашваюць! ))) Але ты ўсё адно вучыся!